पछिल्लो समय धितोपत्र दोस्रो बजारमा एनआईसी एसिया बैंकको सेयरमूल्य दैनिक उकालो लागिरहेको छ । बैंकको सेयर मूल्य वाणिज्य बैंक मध्येकै सबैभन्दा महंगो बनेको छ ।

सेयर बजारमा राम्रो प्रदर्शन गर्दै आएको नबिल बैंकलाई समेत पछि पार्दै एनआईसी एसियाको सेयरमूल्य आक्रामक रुपले बढिरहेको छ ।

बैंकले २ वर्षयता लाभांश बाँड्न सकेको छैन । तर अर्को बर्ष बम्पर दिनेमा लगानिकर्ता आसावादी छन। पछिल्लो समय सेयर मूल्य भने लगातार बढिरहेको छ । एनआइसी एसियाको सेयर मूल्य बिहीबार ६ रुपैयाँले बढेर ७९० रुपैयाँमा कारोबार भएको छ । पछिल्लो सातादेखिनै बैंकको सेयर मूल्य लगातार बढिरहेको छ।

कारण के त यो विषयमा धेरैलाई चाँसो बढेको छ । एक नयाँ सरकार गठनसँगै पछिल्लो समय नेपाली सेयर बजार सकारात्मक बाटोमा छ । बजारमा केही गुड न्यूज पनि आएका छन् । जसका कारण लगानीकर्ताको मनोबल उच्च भइरहेको छ ।

अर्को कुरा एनआईसी एसिया वाणिज्य बैंकहरुमध्ये अब्बल मानिन्छ । वित्तीय सूचकले पनि बैंकलाई बलियो साबित गरेको छ । त्यसैले लगानीकर्ताको झुकाव सो बैंकतर्फ बढेको देखिन्छ ।

यसघि बैंकको ९३५ रुपैयाँसम्म पुगेको थियो। भने सबैभन्दा सस्तो ६०० रुपैयाँसम्म आएको थियो।

एनआईसी एसिया बैंकले पहिलो ३ महिनामै १ अर्ब ७५ करोड रुपैयाँ नाफा कमाएको छ। जुन वार्षिक बिन्दुगत आधारमा ४९ प्रतिशतले बढी हो। गत वर्ष १ अर्ब १८ करोड रुपैयाँ नाफा गरेको थियो।

बैंकले पहिलो त्रैमासमा ३ खर्ब ८ अर्ब १८ करोड रुपैयाँ निक्षेप संकलन गरी २ खर्ब ७३ अर्ब १० करोड रुपैयाँ कर्जा प्रवाह गरेको छ। बैंकको स्व–पूँजीमा प्रतिफल २६.५५ प्रतिशत र वार्षिक प्रतिसेयर आम्दानी ५९.६२ रुपैयाँ छ। अन्य बैंकको तुलनामा बैंकले पहिलो त्रैमासमा उत्कृष्ट प्रदर्शन गरेको छ । जसका कारण बजार सकारात्मक भएसँगै लगानीकर्ता सो बैंकतर्फ आकर्षित भएका छन् ।

मिती : २२ पुष २०७९, शुक्रबार १६:३५ बजे प्रकाशित