लक्ष्मी बैंक र सनराइज बैंक समान हैसियतमा मर्जरमा जाने भएका छन् । लक्ष्मी बैंक र सनराइज बैंक १:१ अर्थात एक बराबर एकको अनुपतामा मर्ज हुन लागेका हुन् ।
दुवै बैंकले मर्जर प्रक्रियालाई टुंगोमा पुर्याउन मर्जर कमिटि समेत बनाइसकेको छ ।
मर्जपछि बैंकको चुक्ता पुँजी २१ अर्ब बढी हुनेछ । हाल लक्ष्मी बैंकको चुक्ता पुँजी ११ अर्ब ५५ करोड १३ लाख ४५ हजार र सनराइज बैंकको १० अर्ब ११ करोड ८८ लाख ९२ हजार रुपैयाँ रहेको छ ।
दुवै बैंकको छलफलमा मर्जपछि बन्ने बैंकको अध्यक्ष, नाम, संचालक लगायतको विषयमा टुंगो लगाउन बाँकी रहेको स्रोतले जनाएको छ ।
लक्ष्मी बैंकले यसअघि माछापुच्छ्रे बैंकसँग मर्जरमा जाने छलफल गरेको थियो। त्यहाँ कुरा नमिलेपछि लक्ष्मीले सनराइनसँग यो प्रक्रिया अघि बढाएको हो।
त्यस्तै, एभरेष्ट बैंक र लक्ष्मी बैंकको मर्जर पनि भाँडिएको थियो । विगत लामो समयदेखि जारी एभरेष्ट र लक्ष्मी बैंकबीचको मर्जर अन्तिम अवस्थामा सेयर स्वाप रेसियोमा कुरा नमिल्दा भाँडिन पुगेको थियो ।
अर्थ सन्जाल