नेपाल राष्ट्र बैंकले प्रभु बैंकलाई सेञ्चुरी कमर्सियल बैंक लिमिटेडलाई प्राप्ती गर्न अन्तिम स्वीकृति प्रदान गरेको छ । राष्ट्र बैंकले पुस १९ गते प्रभु बैंकलाई सेञ्चुरी कमर्सियल बैंकलाई प्राप्ती गर्न अन्तिम स्वीकृति प्रदान गरेको हो ।

प्रभु बैंकले सेञ्चुरी कमर्सियल बैंकलाई प्राप्ती गर्न गत मंसिर २१ गते सम्झौता गरेको थियो । प्रभु बैंकले १:१ स्वाप रेसियोमा सेञ्चुरीलाई प्राप्ति गर्न लागेको हो । दुबै बैंकले पुस १४ गते सम्पन्न वार्षिक साधारण सभाबाट प्राप्तीका लागि स्वीकृति प्रदान गरिसकेका छन् ।

सेञ्चुरीलाई प्राप्तिपछि बैंकको नाम प्रभु बैंकनै रहनेछ । नेपाल राष्ट्र बैंकको अन्तिम स्वीकृतिपछि दुबै बैंकलाई एकिकृत कारोबार गर्ने बाटो खुला भएको छ ।

मिती : २० पुष २०७९, बुधबार १५:५८ बजे प्रकाशित