पटकपटक राष्ट्र बैंकको कारबाहीमा परेको सनराइज बैंकले यसपटक सेयरधनीको हात खाली बनाएको छ । सुमन शर्माले नेतृत्व यस बैंकले पर्याप्त नाफा कमाउन नसकेपछि यसपटक लगानीकर्ताको हात रित्तो बनाएको हो ।
बैंकको संचालक समितिको बैठकले आर्थिक वर्ष २०७८/७९ को वित्तीय विवरण पारित गर्दै लाभांश वितरण नगर्ने बैंकले निर्णय गरेको हो । सनराइज बैंकले आर्थिक वर्ष २०७७/७८ मा ६.६५ प्रतिशत बोनस सेयर र ०.३५ प्रतिशत नगद लाभांश (कर प्रयोजनार्थ) कुल ७ लाभांश वितरण गरेको थियो ।
बैंकले वितरणयोग्य मुनाफालाई संचितिमा राख्ने जनाएको छ । बैंकको आर्थिक वर्ष २०७८-७९ को वासलात, नाफा नोक्सान हिसाव, नगद प्रवाह विवरण लगायतका वित्तिय विवरण र अनुसूचिहरु नेपाल राष्ट्र बैंकबाट स्वीकृति प्राप्त भएको छैन ।
स्वीकृति भए पश्चात् बैंकको अगामी वार्षिक साधारण सभामा अनुमोदनको लागि पेश गरिने छ । हाल उक्त बैंकको सुमन शर्माले नेतृत्व गरेका छन् भने बैंकको संचालक समिति अध्यक्षमा मोतीलाल दुगड रहेका छन् ।
राष्ट्र बैंकले बैंक तथा वित्तीय संस्थालाई मर्जरमा जान ताकेता गरिरहेको छ । तर मर्ज गर्ने सहमतिमा बैंकका सीईओ बनेका शर्माले राष्ट्र बैंकको निर्देशनलाई समेत वेवास्ता गर्दै मर्जर प्रक्रिया हालसम्म पनि अगाडि बढाएका छैनन् ।
त्यस्तै, बैंकमाथि राजश्व अनुसन्धान विभागले आयकर ऐन २०५८ को व्यवस्थाविपरित करोडौँ आयकर छलीको आशंकामा अनुसन्धान समेत सुरु गरेको पाइएको छ ।
अर्थ सन्जाल