विश्व अर्थतन्त्र सन् २०२२ को तुलनामा सन् २०२३ मा खराब हुने अनुमान गरिएको  छ । अन्तर्राष्ट्रिय मुद्रा कोष (आईएमएफ)की प्रमुख क्रिस्टालिना जर्जिएभाले सन् २०२३ मा विश्वको एक तिहाइ क्षेत्र मन्दीमा पर्ने बताएकी छिन । मन्दी नहुने देशहरूमा पनि जनताले बिग्रँदै गएको आर्थिक अवस्थाको सामना गर्नुपर्नेछ। उनले चीन, अमेरिका र युरोपेली युनियनको सुस्त अर्थतन्त्रको मुख्य श्रेय दिएकी छिन ।

उनले युक्रेन युद्ध, बढ्दो मुद्रास्फीति, बढ्दो ब्याजदर र चीनमा कोरोना महामारीको आगमनले विश्व अर्थतन्त्रमा पनि असर पर्ने बताइन । क्रिस्टालिनाले आगामी केही महिना चीनका लागि कठिन हुने बताइन् ।

४० वर्षमा पहिलो पटक चीनको आर्थिक वृद्धि विश्वको तुलनामा कम हुन सक्छ। डिसेम्बर २०२२ मा, चीनमा उत्पादन गतिविधिहरू पछिल्ला तीन वर्षमा सबैभन्दा कम स्तरमा पुगेको थियो। बीबीसीको अनुमान अनुसार चीनका १०० ठूला शहरमा पछिल्लो ६ महिनामा घरको मूल्यमा गिरावट आएको छ ।

यी सबैको असर विश्व अर्थतन्त्रमा पनि पर्नेछ ।  क्रिस्टालिनाले युक्रेन युद्ध, मुद्रास्फीति र बढ्दो ब्याजदरबीच युरोपमा मन्दी अवश्य आउने बताइन् । आईएमएफले सन् २०२३ को आर्थिक वृद्धिको प्रक्षेपण पहिले नै घटाइसकेको छ ।

आईएमएफ प्रमुखले भनिन, ‘अमेरिकी अर्थतन्त्र लचिलो छ र मन्दीबाट बच्न सक्छ। त्यहाँको श्रम बजार अझै बलियो छ । तर मुद्रास्फीति नियन्त्रणमा राख्न संघीय बैंकले ब्याजदर उच्च राख्नुपर्छ ।

मिती : १९ पुष २०७९, मंगलवार ०९:०५ बजे प्रकाशित