कुमारी बैंकको प्रमुख कार्यकारी अधिकृत (सीईओ) मा रमेशराज अर्याल नियुक्त भएका छन् । बैंकको अध्यक्षमा भने अमिर प्रताप जंग बहादुर राणा नियुक्त भएका छन् ।

साविक कुमारी बैंक र एनसीसी बैंकबीच मर्जरपश्चात् एकीकृत कारोबार सुरु भएपछि सिइओमा अर्याल र अध्यक्षमा प्रताप जंग चयन भएका हुन् । साविक कुमारी र एनसीसी बैंकले पुष १७ गतेदेखि एकीकृत कारोबार सुरु गरेका छन् ।

सीईओ अर्यालयले मर्जर पछि बैंक अझैं बलियो भइ चौथो नम्बरमा आएको र यसलाई अवसरको रुपमा अगाडि बढाउने विश्वास ब्यक्त गरे । साथै लगानीकर्तालाई उचित प्रतिफल दिन आफू र आफ्नो टिम नचुक्ने बताएका छन् ।

मर्जर पश्चात बैंकको केन्द्रीय कार्यालय हाल कुमारी बैंकको केन्द्रीय कार्यालय रहेको स्थान टंगालमा रहने छ । यी दुई बैंक एक आपसमा गाभिएपछि चुक्ता पुँजी २५ अर्ब ८५ करोड रुपैयाँ पुगेको छ ।

मिती : १८ पुष २०७९, सोमबार ११:३१ बजे प्रकाशित