नेपाल राष्ट्र बैंकले नेपाल इन्भेष्टमेन्ट बैंक र मेगा बैंक नेपाललाई मर्जरको अन्तिम स्वीकृति प्रदान गरेको छ । राष्ट्र बैंक यी बैंकहरुलाई मर्जरको अन्तिम स्वीकृति दिएको हो ।
अब यी २ बैंकले मर्जर पश्चात ‘नेपाल इन्भेष्टमेन्ट मेगा बैंक लिमिटेड’ को नामबाट एकीकृत कारोबार हुनेछ ।
यी दुवै बैंकले गत जेठ २७ गते मर्जरको प्रारम्भिक सम्झौता गरेको थियो । राष्ट्र बैंकले असार २२ गते २ बैंकलाई मर्जरको लागि सैद्दान्तिक सहमति दिएको थियो ।
राष्ट्र बैंकले अन्तिम स्वीकृति दिएसँगै यी दुबै बैंकले पुस २७ गतेलाई एकीकृत कारोबार गर्ने भएका छन् ।
नेपाल इन्भेष्टमेन्ट बैंक र मेगा बैंक १००:९० को स्वाप रेसियोमा मर्जर भएका हुन् । मेगा बैंकको हाल कायम सेयरधनीले मर्जरपछि बन्ने बैंकमा अहिलेको १०० कित्ता बराबर ९० कित्ता प्राप्त गर्नेछन् ।
हाल इन्भेष्टमेन्ट बैंकको चुक्ता पुँजी १८ अर्ब ३० करोड रहेको छ भने मेगा बैंकको चुक्ता पुँजी १६ अर्ब १२ करोड रहेको छ । मर्ज भए मर्जरपछि बन्ने बैंकको चुक्ता पुँजी ३२ अर्ब पुग्ने छ।
अर्थ सन्जाल