आज १ जनवरीबाट प्रभु क्यापिटलले हालको ९९९ डिम्याट स्किममा थप विशेषता थपी ‘प्रभु क्यापिटलको ९९९ आजीवन डिम्याट खोलौँ तथा बीमाको समेत सुरक्षा पाऔँ’ भन्ने स्लोगनसहित ‘९९९ आजीवन डिम्याट खाता’ योजना सार्वजनिक गरेको छ।

ग्राहकलाई वार्षिक डिम्याट नवीकरणको झन्झट हुने समस्यालाई राहत दिन क्यापिटलले यो योजना ल्याइएको जनाएको छ। डिम्याट खातावालले हाल डिम्याट खाता नवीकरण गर्न प्रत्येक वर्ष रु. १०० नवीकरण शुल्क बुझाउनुपर्ने रहेको छ अन्यथा खाता फ्रिज हुने यावत समस्याले कारोबार गर्दा क्लोज आउटमा परी जरिवाना तिर्नुपर्ने अवस्था भोग्नुपर्ने हुन्छ।

सोही समस्याको हलस्वरुप प्रभु क्यापिटलले यो योजना ल्याएको हो। जुन नयाँ तथा पुराना सबै ग्राहकमा मान्य हुनेछ।

आजबाट सुरु भएकोे यस योजनामा हितग्राहीले एकपटक ९९९ रुपैयाँ शुल्क तिरेर क्यापिटलबाट आजीवन डिम्याट नवीकरणको सुविधा पाउनुका साथै निजले १ वर्षको अवधिमा १ लाखबराबरको दुर्घटना बीमा सुविधा पनि पाउने क्यापिटलले जनाएको छ।

यो योजनाले सक्रिय रुपमा पुँजीबजारमा लाग्ने हितग्राहीलाई डिम्याट खाता नवीकरणका झन्झटबाट राहत दिलाउने तथा नयाँ लगानीकर्तालाई दीर्घकालीन रुपमा भित्र्याउनमा सघाउ पुर्याउनेछ। यो डिम्याट खाता देश–विदेशमा रहने नेपालीले स्वयं उपस्थित रहेर खाता खोल्नुका साथै वेबसाइट तथा मोबाइल एपबाटै अनलाइन डिम्याट गरी भिडियो केवाईसीसहितको डिम्याट खाता आफू रहेको ठाउँबाटै खोल्न सक्ने क्यापिटलले जनाएको छ।

यसमा व्यक्तिले अनलाइन रिक्वेस्ट गर्दा भिडियो केवाईसी वा इन एप भेरिफिकेसन छनौट गरी आफ्नो अनुकूलताअनुसार समय लिई तुरुन्तै अनलाइन डिम्याट खाता खोल्न सक्नेछन्।

प्रभु क्यापिटलको ‘९९९ आजीवन डिम्याट खाता’का विशेषताहरु 

रु. ९९९ मा आजीवन डिम्याटको सुविधा साथै १ लाखबराबरको दुर्घटना बीमा,

लगानी व्यवस्थापन सेवा (पीएमएस)मा पुराना भएका सेयर पोर्टफोलियोको निःशुल्क पुनर्संरचनाका साथै वार्षिक शुल्कमा ५० प्रतिशत छुट,

इन्स्ट्यान्ट डिम्याट खाता खोल्ने सेवा प्रभु क्यापिटलको वेबसाइट तथा मोबाइल एपबाटै,

अनलाइनबाट डिम्याट भर्दा भिडियो केवासईसी तथा एपबाट भर्दा इन–एप केवाईसी भेरिफिकेसनको सुविधा।

मिती : १७ पुष २०७९, आईतवार १६:३० बजे प्रकाशित