नेपाल राष्ट्र बैंकले ग्लोबल आईएमई र बैंक अफ काठमाण्डूलाई मर्जरको अन्तिम स्वीकृति प्रदान गरेको छ । १४ पुस बिहिबार बसेको राष्ट्र बैंक सञ्चालक समितिको बैंठकले मर्जरको अन्तिम स्वीकृति दिएको हो ।

ग्लोबल आईएमई र बैंक अफ काठमाण्डूले साधारणसभाबाट पारित गरेको नामबाट भने एकीकृत कारोबार गर्न नपाउने भएका छन् । दुवै बैंकको साधारणसभाले मर्जरपछि बन्ने बैंकको नाम ‘ग्लोबल आईएमई बीओके लिमिटेड’ रहने प्रस्ताव पारित गरेका थिए । तर, राष्ट्र बैंकले उक्त नाममा बैंक शब्द नभएको भन्दै नयाँ नाममा ल्याउन भनेपछि दुवै बैंकको संयुक्त मर्जर कमिटीले ग्लोबल आईएमई बैंकको नामबाट एकीकृत कारोबार गर्ने प्रस्ताव गरेपछि राष्ट्र बैंकले मर्जरको अन्तिम स्वीकृति दिएको राष्ट्र बैंक स्रोतले जनाएको छ ।

मिती : १७ पुष २०७९, आईतवार १४:४१ बजे प्रकाशित