नबिल बैंक लिमिटेडले संचालमा ल्याएको ‘नबिल गोल्ड प्यारोल सेभिङ’ खातामा ९.१३३ प्रतिशत ब्याजदर निर्धारण गरिएको छ । बैंकले विभिन्न सुविधा भएका बचत खाताहरुमध्ये यो बचत खाता पनि ग्राहकहरुको रोजाइमा पर्ने एक बचत खाता बन्न पुगेको छ ।

जसमा यो खाता खोल्ने ग्राहकहरुले विभिन्न सेवा सुधिवा पाउन सक्नेछन् । उक्त खाता खोल्ने ग्राहकहरुले २ लाख रुपैयाँसम्मको फोनलोनको सुविधा पाउन सक्नेछन् ।

यसका अलावा सो खाता खोल्ने ग्राहकहरुले एक वर्षका लागि निःशुल्क डेबिट तथा क्रेडिट कार्ड प्राप्त गर्नेछन् । साथै बिना धितो १५ लाख रुपैयाँसम्म व्यक्तिगत कर्जा र घर, अटो तथा शिक्षाका लागि समेत कर्जा उपलब्ध हुने बैंकले जनाएको छ ।

यसका साथै सो खाताअन्तर्गत नबिल बैंकले १० लाख रुपैयाँसम्मको बीमा सुविधा पनि राखेको छ । बैंकले सो खाताअन्तर्गत १० लाख रुपैयाँसम्मको दुर्घटना बीमा र ३ लाख ७५ हजार रुपैयाँसम्मको जीवन बीमा सुविधा समेत राखेको छ ।

यस खाताअन्तर्गतको बीमा सुविधामा दुर्घटना बीमामा सानिमा जनरल इन्स्योरेन्स र जीवन बीमामा मेट लाइफ इन्स्योरेन्स बैंकको सहकार्य रहेको छ ।

मिती : १४ पुष २०७९, बिहीबार १४:४० बजे प्रकाशित