कुमारी बैंक र एनसीसी बैंकको सेयर कारोबार पुस १७ गतेदेखि १५ दिनका लागि रोक्का हुने भएको छ । धितोपत्र दर्ता गराएका संगठित संस्था एकआपसमा गाभ्ने, गाभिने तथा प्राप्तिसम्बन्धी निर्देशिका, २०७९ मा भएको व्यवस्थाबमोजिम पुस १७ गतेबाट सेयर कारोबार रोक्का गरिदिन दुवैले नेपाल स्टक एक्सचेन्ज(नेप्से)लाई आग्रह गरेको हो।

यो अवधिपछि एनसीसी बैंकको सेयर कुमारी बैंकको नाममा कारोबार गर्न मिल्नेछ । अब यी दुवै बैंकको सेयर कारोबार पुस १७ गतेदेखि १५ दिनका लागि रोक्का हुनेछ ।

कुमारी र एनसीसी बैंकबीच एकआपसमा गाभ्ने/गाभिने तथा मर्जर सम्बन्धी सम्झौता भई यहि पुष १७ गतेदेखि एकीकृत कारोबार हुँदैछ । दुवै बैंकले एकीकृत कारोबार गर्नको लागि नेपाल स्टक एक्सचेञ्ज (नेप्से)समक्ष सेयर कारोबार रोक्का राख्न अनुरोध गरेको थियो ।

कुमारी र एनसीसी बीच मर्जर सम्बन्धमा नेपाल राष्ट्र बैंक र कम्पनी रजिष्ट्रारको कार्यालयबाट अन्तिम स्वीकृति प्राप्त भई दुवै संस्थाको एकीकृत वित्तीय कारोबार यहि पुष १७ गतेदेखि कुमारी बैंकको नामबाट सुरु हुने भएको छ ।

मिती : १४ पुष २०७९, बिहीबार ११:१५ बजे प्रकाशित