नेपाल राष्ट्र बैंकका गभर्नर महाप्रसाद अधिकारीले गत आर्थिक वर्ष २०७८/७९ मा राष्ट्र बैंकबाट ४९ लाख ५ हजार २५५ रुपैयाँ तलब भत्ता लिएका छन् ।
नेपाल राष्ट्र बैंकका अनुसार गभर्नर अधिकारीले तलब बापत १४ लाख १८ हजार ४०० रुपैयाँ लिएका छन् । यस्तै उनले सञ्चालक समितिको बैठक भत्ता बापत ३ लाख ५ हजार रुपैयाँ लिएका छन् ।
यस्तै, अन्य सेवा सुविधा सहित ४९ लाख ५ हजार २५५ रुपैयाँ भुक्तानी गरेको राष्ट्र बैंकको वार्षिक प्रतिवेदनमा उल्लेख्य छ ।
राष्ट्र बैंकका डेपुटी गभर्नरद्वय निलम ढुंगाना तिम्सिना र बम बहादुर मिश्रले ८४ लाख ६२ हजार १३० रुपैयाँ तलब भत्ता लिएका छन् ।
जसमा निलमले ४२ लाख ६० हजार ११३ रुपैयाँ र मिश्रले ४२ लाख २ हजार १७ रुपैयाँ लिएका छन् । राष्ट्र बैंकका अनुसार डेपुटी गभर्नर निलमको १२ लाख ६९ हजार ६०० रुपैयाँ र मिश्रको पनि १२ लाख ६९ हजार ६०० रुपैयाँ नै रहेको छ ।
निलमले सञ्चालक समितिबाट भत्ता स्वरुप २ लाख ७३ हजार रुपैयाँ लिएकी छिन् भने मिश्रले २ लाख ९६ हजार रुपैयाँ रहेको छ । यस्तै अन्य भत्ता तथा सुविधा बापत ढुंगानाले २७ लाख १७ हजार ५१३ रुपैयाँ लिएकी छिन् भने मिश्रले २६ लाख ३६ हजार ४१७ रुपैयाँ लिएका छन् ।
त्यसैगरी, राष्ट्र बैंकका सञ्चालकले भत्ता बापत ३७ लाख ८६ हजार ५२८ रुपैयाँ लिएका छन् । सञ्चालक समितिका सदस्यले भत्ताका साथै इन्धन, सञ्चार, सवारी चालक, पत्रपत्रिका, इन्टरनेट तथा औषधि उपचार खर्च पाउने गरेका छन् ।
अर्थ सन्जाल