मेवा डेभलपर्स लिमिटेडले आइपीओ निष्कासन गर्ने प्रस्ताव सहित पुस २९ गते वार्षिक साधारण सभा डाकेको छ । कम्पनीको पुस ८ गते बसेको सञ्चालक समितिको बैठकले साधारण सभा बस्ने निर्णय गरेको हो । सभा ल्याण्डमार्क रिसेप्सन्स एन्ड कन्भेन्सन्स, कालिमाटी, काठमाडौंमा बिहान ११ बजेबाट सुरु हुनेछ । सभामा कम्पनीले आइपीओ निष्कासन गर्ने प्रस्ताव पेश गर्नेछ ।

साथै, आर्थिक वर्ष २०७८–७९ को सञ्चालक समितिको वार्षिक प्रतिवेदन, वासलात, नाफा नोक्सान लगायतका विषयमा छलफल गर्ने प्रस्ताव हुनेछ । त्यस्तै, आर्थिक वर्ष २०७९–८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि छ । साथै, सभामा प्रबन्धपत्र तथा नियमावली संशोधन गर्ने परेमा सञ्चालक समितिलाई अख्तियारी दिने विशेष प्रस्ताव पारित हुनेछ ।

मिती : १० पुष २०७९, आईतवार १८:०४ बजे प्रकाशित