मल्टीपर्पस फाइनान्स लिमिटेडले हकप्रद प्रस्तावसहित वार्षिक साधारणसभा आह्वान गरेको छ । कम्पनीको सभा आगामी पुस ३० गते कम्पनीको केन्द्रीय कार्यलय, राजविराज, सप्तरीमा दिउँसो १ बजेदेखि सुरु हुनेछ ।

सभामा मल्टीपर्पसले १००:३५ को अनुपातमा हकप्रद सेयर जारी गर्ने प्रस्ताव पेस गर्नेछ । सभामा गत आर्थिक वर्षको वार्षिक प्रतिवेदन, नाफा–नोक्सान हिसाब, नगद प्रवाह विवरण लगायतमा पनि छलफल हुनेछ ।

कम्पनीले यसपटक लगानीकर्ताको हात खाली बनाएको छ । यसपटक यसले कुनै लाभांश प्रस्ताव गरेको छैन ।

आर्थिक वर्ष २०७९/८० का लागि लेखापरीक्षक नियुक्ति गरी पारिश्रमिक निर्धारण गर्ने एजेन्डा पनि रहेको छ ।

साथै, यस फाइनान्सको पुँजी संरचना संस्थापकतर्फ ५१ प्रतिशत र सर्वसाधारणतर्फ ४९ प्रतिशत कायम गर्न प्रबन्धपत्र संशोधन गर्ने प्रस्ताव हुनेछ ।

सभा प्रयोजनका लागि यस फाइनान्सले पुस २० गते बुक क्लोज गर्दैछ । त्यसैले, पुस १९ गतेसम्म सेयर खरिद गरी कायम रहने सेयरधनीहरुले मात्र सभामा भाग लिन सक्नेछन् ।

मिती : १० पुष २०७९, आईतवार १२:४८ बजे प्रकाशित