माछापुच्छ्रे बैंकले २४औँ वार्षिक साधारणसभा आह्वान गरेको छ । बैंक सञ्चालक समितिको बिहीबार (पुस ७ गते) बसेको बैठकले गरेको निर्णयानुसार उक्त सभा पुस २९ गते काठमाडौंको भद्राकालीस्थित आर्मी अफिसर्स क्लबमा बिहान ११ बजेबाट सुरु हुनेछ।
सभाले आर्थिक वर्ष २०७८/७९ को वार्षिक तथा लेखापरीक्षकको प्रतिवेदन अनुमोदन गर्नेछ । यो आर्थिक वर्ष अन्त्यसम्म कायम वितरणयोग्य मुनाफा सञ्चित गर्ने र लाभांश प्रदान नगर्ने निर्णय बैंकले गरेको थियो ।
सभाले सञ्चालक समितिका संस्थापक समूहबाट प्रतिनिधित्व गर्ने ३ जना सञ्चालकको निर्वाचन गर्नेछ । सभाले अन्य उपयुक्त बैंक तथा वित्तीय संस्था आपसमा गाभ्न, गाभिन र प्राप्ति गर्न तथा वैदेशिक रणनीतिक साझेदारीमा जान उपयुक्त देखिएमा सोसम्बन्धी निर्णय गर्न तथा आवश्यक सम्पूर्ण कार्य अगाडि बढाउन सञ्चालक समितिलाई अख्तियारी प्रदान गर्ने विशेष प्रस्ताव सभाले पारित गर्नेछ।
सभा प्रयोजनका लागि बैंकले पुस १७ गते बुक क्लोज गर्ने निर्णय गरेको छ। त्यसैले, पुस १४ गते (पुस १५ गते शुक्रबार र १६ गते शनिबार)सम्म कायम सेयरधनीहरुमात्रै सभामा भाग लिन योग्य हुने बैंकले जनाएको छ ।
अर्थ सन्जाल