जितपुरसिमरा उपमहानगरपालिका-१ पथलैया वीरगंज सडक खण्डको तिनकुने चोकबाट अवैध रूपमा भित्र्याइएकाे अवैध सामान प्रहरीले बरामद गरेकाे छ । करिब ६२ लाख ९० हजार रुपैयाँ बराबरको कपडा, किराना आईटम, औषधि, ब्याट्री लगायतका सामान सोमबार बिहान प्रहरीले बरामद गरेको छ ।

प्रहरी चौकी पथलैयाबाट खटिएको प्रहरीले वीरगंजबाट रुपन्देहीतर्फ जाँदै गरेको ना.५ख ६७४७ नम्बरको ट्रकलाई जाँच गर्ने क्रममा उक्त रुपैयाँ बराबरको सामान फेला पारी बरामद गरेको हो । बरामद सामान आवश्यक कारबाहीका लागि आन्तरिक राजश्व कार्यालय पथलैयामा पठाइएको प्रहरीले जनाएकाे छ ।

मिती : ४ पुष २०७९, सोमबार १९:१९ बजे प्रकाशित