कतारमा जारी २२औं संस्करणको फिफा विश्वकप फुटबलमा आज भएको तेस्रो स्थानका लागि क्रोएसिया र मोरक्कोबीचको खेलमा मोरक्कोलाई २-१ ले हराउदै क्रोएसिया बिश्वकपमा तेश्रो स्थान ओगट्न सफल सफल भएको छ । तेस्रो स्थानका लागि भइरहेको प्ले अफ खेलको पहिलो हाफ सकिँदामोरक्कोमाथि क्रोएसियाले २-१ गोलको अग्रता बनाएको थियो ।

राजधानी दोहास्थित खालिफा अन्तर्राष्ट्रिय स्टेडियममा क्रोएसियाले सुरुआती अग्रता बनाएको थियो ।

खेलको सातौं मिनेटमा जोस्को भार्डिलले गोल गर्दै क्रोएसियालाई अग्रता दिलाएका थिए । उनले इभान पेरिसिकको पासमा हेडिङ गोल गरेका थिए ।

यसका साथै भार्डिल विश्वकपमा सानै उमेरमा गोल गर्ने क्रोएसियाका पहिलो खेलाडी पनि बनेका छन् । उनी २० वर्ष २२८ दिनका छन् ।

यसैगरी, नवौं मिनेटमा नै अचराफ दारीले गोल गरेपछि मोरक्को बराबरीमा फर्कियो । दारीले पनि हेडिङमा गोल गरेका थिए ।

दारीको यो मोरक्कोका लागि पहिलो अन्तर्राष्ट्रिय गोलसमेत हो। उनले मोरक्कोका लागि सात खेल खेलेका छन् ।

खेलको ४२औं मिनेटमा मिस्लाभ अर्सिकले गोल गरेपछि क्रोएसियाले २-१ गोलको अग्रता बनाएको हो ।

खेलको ४२औं मिनेटमा मिस्लाभ अर्सिकले गोल गरेपछि क्रोएसियाले २-१ गोलको अग्रता बनाएको हो ।

मोरक्को र क्रोएसिया तेस्रो स्थान हासिल गर्ने योजनासहित मैदान उत्रिएका छन् । यस्तै दुवै टोली जितसहित प्रतियोगिताको अन्त्य गर्न चाहन्छन् ।

मोरक्को साविक विजेता फ्रान्ससँग सेमिफाइनलमा पराजित हुँदै तेस्रो स्थानका लागि भिड्न बाध्य भएको हो ।

साविक उपविजेतासमेत रहेको क्रोएसिया भने सेमिफाइनलमा अर्जेन्टिनासँग पराजित भएको थियो ।

मिती : २ पुष २०७९, शनिबार २२:४८ बजे प्रकाशित