नबिल बैंकले हरेक बचत खातामा घातक रोगको बीमा तथा अवधि जीवन बीमा सुविधा दिइरहेको छ । बैंकले चार वर्ष अगाडि शुरु गरेको घातक रोगमा ३ लाख र अवधि जीवन बीमाको लागि ७५ हजार गरी ३ लाख ७५ हजार रुपैयाँको बीमा हरेक खातावालाको लागि गरिदिँदै आएको छ ।

बैंकले आफ्ना खातावालाको लागि घातक रोग लाग्दा केही भरथेग गर्ने उद्देश्यले यस्तो सुविधा दिँदै आएको छ । बैंकले दिएको यस्तो सुविधा अहिलेसम्म करिब ४ सय जनाले प्रयोग गरिसकेका छन् ।

नबिल बैंकका अनुसार मुद्दतिबाहेक सबै प्रकारको बचत खातामा घातक रोग तथा अवधि जीवन बीमा हुने गरेको छ । मेटा लाइफसँगको सहकार्यमा नबिलले बैंकसँग भएको सबै प्रकारको बचत खाताको लागि यस्तो बीमा सुविधा दिएको छ । यो सुविधा पाउन भने खातामा न्यूनतम ३५ हजार रुपैयाँ भने अनिवार्य हुनुपर्ने नबिल बैंकको भनाइ छ । यस्तो रकम घातक रोग लागेको चिकित्सकले प्रमाणित गरेको समयमा हुनुपर्छ ।

नबिल बैैंकमा खाता भएकै कारण गत चैत २४ मा हृदयघात भएर उपचार गराउन गंगालाल हस्पिटल पुगेका पुस्कर सापकोटालाई ठूलो भरथेग भयो । ३ लाख रुपैयाँको घातक रोगको बीमा भएका कारण उनले तत्कालै नबिल बैंकबाट २ लाख ८४ हजार रुपैयाँ पाए ।

उक्त रकम आफ्नो उपचारको लागि ठूलो भरथेग भएको सापकोटाले लोकान्तरसँग बताए । ‘बैंकमा न्यूनतम ब्यालेन्स मेन्टेन गरेकै भरमा हृदयघात हुँदा उपचार गर्न पैसा पाए । बैंकका कर्मचारी अस्पतालमै पुगेर आफूलाई पैसा दिएका थिए । बैैंकले त्यतिबेला गरेको सहयोगप्रति निकै खुशी छु’, उनले भने, ‘बैंकले दिएको भन्दा बढी खर्च लाग्ने भए पनि घातक रोगको उपचार र त्यसमा पनि आकस्मिक रूपमै पाएको पैसा निकै महत्वपूर्ण हुँदो रहेछ ।’

गिजाको क्यासरबाट पीडित पाल्पाका ध्रुवराज ढुंगानालाई पनि नबिल बैंकले गरेको सहयोग बिरामी पर्दाको समयमा ठूलो साथी भयो । नबिल बैंकमा खाता भएकै कारण ढुंगानाले पनि आकस्मिक रूपमा गर्नुपरेको उपचारको लागि पैसा पाए । उनले बैंकले प्राणघातक रोगको बीमा गरिदिने कुरा कतैबाट सुनेका रहेछन् । उनले आफ्नो खाता भएको बैंकबाट बीमा सुविधा प्राप्त हुन्छ कि भनेर बैंकमा सोधपुछ गरेछन् ।

नबिल बैंकले आफ्नो ग्राहकहरुको बीमा गरिदिएको थाहा पाएपछि ढुंगानाले आफूलाई लागेको रोगको कागजात बोकेर बैंकको शाखा पुगे । त्यहाँ उनले बिना झन्झट आफ्नो बीमाको रकम दाबी गरे । सरल प्रक्रिया भएकोले उनलाई कुनै अप्ठ्यारो पनि भएन । उनले केही समयमा नै ३ लाख रुपैयाँ आफ्नो खातामा पाए जसले गर्दा उपचार गर्न भरथेग भएको थियो ।

ढुंगानाको भनाइ उदृत गर्दै नबिल बैंकका एक कर्मचारीले भने, ‘रोग लाग्नु आफैँमा ठूलो दुःख हो । रोगको उपचारको खर्च जुटाउनु अझ गाह्रो हुँदो रहेछ । नबिल बैंकले मेरो दुःखको बेला बीमाको रकम भुक्तानी गरेर जुन सहयोग गर्यो त्यसले मलाई ठूलो राहत मिल्यो । खातामा पैसा राखेकै भरमा बैंक आफैं मेरो बीमा गरिदिएको रहेछ र त्यो रकमले मैले आफ्नो उपचार गर्न पाएँ ।’

शंखमूलका ४४ वर्षीया एक महिलालाई पनि नबिल बैंकमा खाता खोलेकै कारण क्यान्सर पत्ता लाग्दा उपचार गर्न रकम दिएको छ । उनलाई उपचार गर्न भारत जानुपर्ने भएछ । भारतमा उपचार सकेर फर्किएपछि बैंकले उपचारको लागि बीमा गर्छ भनेर थाहा पाएका उनले नेपाल फर्केपछि सोधपुछ गरिन् । उनले अनलाइनमार्फत बीमा रकम दाबी गरिन् । बैैैंकका अनुसार उनले सबै डकुमेन्ट घरबाट नै स्क्यान गरी पठाइन । कुनै झन्झट बिना नै उनले बीमा रकम पाइन् । क्यान्सर रोग लागेपछि हुने ठूलो खर्चमा नबिल बैंकको बीमाको रकमले आफूलाई सहयोग मिलेको भनाइ उनले दिएको बैैंकका एक कर्मचारीले बताइन् ।

नबिल बैैंकले दिने यस्तो घातक रोगहरूको उपचारार्थ बीमा रकम विभिन्न १३ प्रकारका रोगका लागि छ । किड्नी फेलर, क्यान्सर, हर्ट अट्याक, रिभर फेलर, बोनम्यारो ट्रान्सप्लान्टेसन, हर्ट भल्भ सर्जरी, इन्ड स्टेज लङ डिजिज, कोमा, पल्मोनरी हाइपरटेन्सन, स्ट्रोक, परमानेन्ट हेपाटाइटिस, अप्लास्टिक एनिमिया, सिरयस कोनोनरी आर्टरी डिजिजको लागि यस्तो बीमा सुविधा दिने गरेको छ ।

मिती : १ पुष २०७९, शुक्रबार १४:२९ बजे प्रकाशित