नेपाल बैंकर्स संघको कार्य समिति सदस्यमा माछापुच्छ्रे बैंकका प्रमुख कार्यकारी सन्तोष कोइराला पुन: निरन्तरता पाएका छन् ।

संघको बिहीबार सम्पन्न ३३ औँ साधारणसभाले कोइरालालाई दोस्रो कार्यकालका लागि चयन गरेको हो ।

त्रिभुवन विश्वविद्यालयबाट व्यवस्थापनमा स्नातकोत्तर गरेका उनले नेदरल्याण्डको इरासमस यूनिभर्सिटीबाट “एड्भान्स म्यानेजमेन्ट एण्ड लिडरसिप प्रोग्राम”मा डिप्लोमा गरेका छन्।

विगत ७ वर्षदेखि यस बैंकमा कार्यरत कोइरालासँग समग्र बैकिङ्ग क्षेत्रको २१ वर्षको अनुभव छ।

हाल माछापुच्छ्रे  बैंकले सातै प्रदेशमा १४४ वटा शाखा र १३३ शाखारहित बैकिङ सेवा समेत गरी जम्मा २७७ स्थानबाट सेवा दिदैं आएको छ। साथै देशभर रहेका १६७ वटा एटीएममार्फत बैंकले २४ घण्टा नै सेवा प्रदान गरेको छ।

मिती : २९ मंसिर २०७९, बिहीबार १४:०७ बजे प्रकाशित