वाणिज्य बैंकहरुको छाता संगठन नेपाल बैंकर्स संघको कार्य समिति सदस्यका रुपमा एभरेष्ट बैंकका प्रमुख कार्यकारी अधिकृत सुदेश खालिङ चयन भएका छन् ।

संघको बिहीबार सम्पन्न ३३औँ साधारणसभाबाट संघको कार्य समिति सदस्य चयन भएका हुन्। नयाँ सदस्यका रुपमा सुदेश खालिङको प्रवेश भएको हो ।

खालिङ परिचित बैंकर हुन्। उनीसँग सिटिजन्सको सञ्चालक, लक्ष्मी बैंकको प्रमुख कार्यकारी अधिकृत, स्ट्यान्डर्ड चार्टर्ड बैंक नेपालमा प्रमुख सुचना अधिकृतसम्मको कार्यानुभव छ ।

करिव ३३ बर्ष लामो सक्रिय बैंकिङ अनुभव भएका खालिङ २०६८ साउनदेखि लक्ष्मी बैंक छिरेका थिए। खालिङसँग सञ्चालन तथा बैंकिङ जोखिममा लामो अनुभव रहेको छ।

मिती : २९ मंसिर २०७९, बिहीबार १३:११ बजे प्रकाशित