धान खरिद प्रक्रिया अविलम्ब अगाडि बढाउन माग गर्दै किसानहरुको महासंघले खाद्य व्यवस्था तथा व्यापार कम्पनी लिमिटेड लुम्बिनी प्रादेशिक कार्यालय, भैरहवामा तालाबन्दी गरेका छन् ।

नेपाल किसान महासंघ र अखिल नेपाल किसान महासंघ रुपन्देहीले आइतबार भैरहवामा तालाबन्दी गरेको हो । महासंघले संयुक्त रुपमा घोषणा गरेका संघर्षका कार्यक्रमअन्तर्गत तालाबन्दि गरेको हो ।

निर्धारित आन्दोलनको अवधिभित्र धान खरिद प्रक्रिया सुरु नगरिएमा दोस्रो चरणका संघर्षका कार्यक्रमहरु सञ्चालन गरिने महासंघले जनाएको छ ।

उनीहरुले खाद्य व्यवस्था तथा व्यापार कम्पनी लिमिटेड लुम्बिनी प्रादेशिक कार्यालय, भैरहवाका प्रमुखलाई संयुक्त रुपमा ज्ञापनपत्र समेत बुझाएका छन् ।

मिती : २५ मंसिर २०७९, आईतवार १७:०९ बजे प्रकाशित