यस साताको पहिलो कारोबार दिन पनि सेयर बजारको ओरालो यात्राले निरन्तरता पाएको छ । यस साताको पहिलो दिन सेयर बजार मापक नेप्से परिसूचक ३१.९७ अंकले घटेर १८८५.३१ बिन्दुमा ओर्लिएको छ ।

यता ठूला तथा बलिया कम्पनीको कारोबार मापक सेन्सेटिभ परिसूचक पनि ६.२८ अंकले घटेर ३६७.३६ बिन्दुमा झरेको छ ।

आज एक अर्ब १० करोड ३४ लाख ४ हजार रुपैयाँको कारोबार भएको छ । शिवम् सिमेन्ट्सको सर्वाधिक १० करोड ९३ लाख रुपैयाँमाथिको कारोबार भएको छ ।

त्यस्तै, नबिल बैंक, हिमालयन डिष्टिलरी, एनआइसी एशिया बैंक, रिडी हाइड्रोपावर,ग्लोबल आईएमई बैंक, नेपाल पुनर्बीमा,एशियन लाइफ इन्स्योरेन्स, डिप्रोक्स लघुवित्त र ङादी ग्रुप पावरको पनि सर्वाधिक कारोबार भएको नेप्सेले जनाएको छ।

मिती : २५ मंसिर २०७९, आईतवार १५:३६ बजे प्रकाशित