नेपाल स्टक एक्सचेन्ज (नेप्से)ले मेगा बैंक नेपाल लिमिटेडको सेयरमूल्य समायोजन गरेको छ । आर्थिक वर्ष २०७८/७९ को बोनस सेयरका लागि मेगा बैंकको सेयरमूल्य समायोजन गर्दै प्रतिकित्ता २०४.६२ रुपैयाँ कायम गरेको हो ।
आज बजार बन्द हुँदा यो बैंकको प्रतिकित्ता २१२.८० रुपैयाँ कायम भएको थियो । अब आउँदो आइतबार समायोजित मूल्यअनुसार नै यो बैंकको सेयर कारोबारमा आउनेछ।
लाभांश र वार्षिक साधारणसभा प्रयोजनका लागि बैंकले पर्सि मंसिर २३ गते एक दिन बुक क्लोज गर्ने निर्णय गरेको छ। यसको आज मंसिर २१ गते (भोलि मंसिर २२ गते सार्वजनिक बिदा)सम्म कायम सेयरधनीहरुमात्रै यो बैंकको लाभांश पाउन र सभामा भाग लिन योग्य भएका छन्।
बैंकले आफ्नो १२औँ वार्षिक साधारणसभा आउँदो पुस ७ गते आयोजना गर्ने निर्णय गरेको छ। सभा काठमाण्डौको राष्ट्रिय सभागृहमा बिहान १० बजेबाट सुरु हुनेछ।
सभाले आर्थिक वर्ष २०७८/७९का लागि प्रस्तावित कुल ७.७९ प्रतिशत लाभांश पारित गर्नेछ । जसमा ४ प्रतिशत बोनस सेयर र ३.७९ प्रतिशत नगद लाभांश (करसहित) छन्।
अर्थ सन्जाल