नेपाल इन्भेस्टमेन्ट बैंक लिमिटेडको सेयरमूल्य समायोजन गरिएको छ।

नेपाल स्टक एक्सचेन्ज (नेप्से)ले गत आर्थिक वर्षको बोनस सेयरका लागि नेपाल इन्भेस्टमेन्ट बैंकको सेयरमूल्य समायोजन गर्दै प्रतिकित्ता २४२.१२ रुपैयाँ कायम गरेको हो । आज कारोबार बन्द हुँदा यो बैंकको सेयरभाउ प्रतिकित्ता २५१.८० रुपैयाँ कायम छ । अब बुधबार समायोजित मूल्य अनुसार नै कारोबार खुल्नेछ।

वार्षिक साधारणसभा र लाभांश प्रयोजनका लागि बैंकले भोलि मंसिर २१ गतेदेखि वार्षिक साधारणसभा नभएसम्म बुक क्लोज गर्ने निर्णय गरेको छ। त्यसैले आजसम्म कायम सेयरधनीहरुमात्रै यो बैंकको लाभांश पाउन र सभामा भाग लिन योग्य भएका छन्।

बैंकले आफ्नो ३६औँ वार्षिक साधारणसभा आउँदो पुस ७ गते आयोजना गर्ने निर्णय गरेको छ। सभा काठमाण्डौको कमलादीस्थित नेपाल प्रज्ञा प्रतिष्ठानमा बिहान १० बजे सुरु हुनेछ।

मिती : २० मंसिर २०७९, मंगलवार १६:५३ बजे प्रकाशित