एजेन्सी । ब्राजिलका महान फुटबलर पेलेको स्वास्थ्य अवस्था गम्भीर रहेको बताईएको छ। खेलकुदसम्बन्धी समाचार पोर्टल ‘गोल डटकम’ का अनुसार क्यान्सरको केमोथेरापीमा सुधार नभएपछि पेलेलाई अस्पतालमा प्यालिएटिभ केयरमा सारिएको हो । ब्राजिलियन आउटलेट फोल्हाले फुटबल लिजेन्ड पेलेलाई प्यालिएटिभ केयरमा सारिएको र किमोथेरापीले काम नगरेको जनाएको छ ।

पेलेलाई मंगलबार सो अस्पतालमा पुनः भर्ना गरिएको थियो उपचार प्रक्रिया जारी रहेको छ । ८२ वर्षीय पेले आन्द्राको क्यान्सरबाट पीडित छन् । पेले तीनपटक विश्वकप जित्ने एकमात्र फुटबलर हुन् । उनले ब्राजिलका लागि ९२ खेलहरूमा ७७ गोल गरेका थिए ।

मिती : १७ मंसिर २०७९, शनिबार २०:५८ बजे प्रकाशित