नयन बहुउद्देश्यीय सहकारी संस्थाका अध्यक्ष केशव दाहाल सहकारीबाट पैसा लिएर बेपत्ता भएका छन् ।
गत मंसिर ५ गते घरबाट आफू भक्तपुर जाने र एक घण्टामा आउँछु भनेर निस्केका उनी हालसम्म पनि सम्पर्कमा आएका छैनन् । अहिले उनको मोवाइल बन्द गरिएको छ ।

ललितपुर सातदोवाटोस्थित यस सहकारीका अनुसार उनले कार्यालय बन्द हुनुअघि १ लाख २४ हजार लिएका थिए । दाहालले विनाधितोको समस्या समाधान गरेको बताउने गरेका थिए । तर यस सहकारीले बज्र फाउण्डेशनलाई ठूलो रकम विनाधितोनै ऋण दिएको छ ।

उक्त ऋण उठ्न नसक्दा सहकारीमा समस्या उत्पन्न भएको छ । यस सहकारीले नियम बिपरित विनाधितो धेरै रकम ऋण लगानी गरेको पाईएको छ । अध्यक्ष दाहाल सम्पर्कविहीन भएको विषयमा कुनै उजुरी अहिलेसम्म नआएको महानगरिय प्रहरी बृत्त चापागाँउले जनाएको छ ।

अहिले थुप्रै राम्रा सहकारी सस्थाका सदस्यलाई बचत फिर्ता गर्न नसकेर थला परेका छन्। ति सस्थाहरुलाई कर्जा सुचना केन्द्रले कालाे सूचीमा समेत राखेकाे छ । २०७९ साउन २९ गतेदेखि देउराली बहुउद्देश्यीय सहकारी संस्था र अध्यक्षसहित कर्मचारीलाई कालो सूचीमा राखेको कर्जा सूचना केन्द्रले जनाएकाे छ ।

ठुला भनिएका सहकारी सिभिल सहकारी संस्था, कान्तिपूर सहकारी संस्था, ओरेन्टीयल सहकारी संस्था तथा हालै मात्रै गौतमश्री बहुउदेश्य सहकारी संस्था समस्यामा देखिएका थिए । ती सबै सहकारी संस्थाहरु संचालकले रकम प्रयोग गरेर तिर्न नसक्दा समस्यामा आएका हुन् ।

मिती : १६ मंसिर २०७९, शुक्रबार १७:१९ बजे प्रकाशित