संखुवासभाको दुई वटा मतदान केन्द्रमा अवरुद्ध भएको मतदान पुनः सुरु भएको छ ।

खाँदबारी नगरपालिका–३ स्थित महेन्द्र माध्यमिक विद्यालयको (ग) मतदान केन्द्र र चैनपुर नगरपालिका –६ स्थित सरस्वती माध्यमिक विद्यालयमा रहेको (ख) केन्द्रमा मतदान अवरुद्ध भएको थियो ।

मतदान अधिकृतले प्रतिनिधिसभाको मतपत्र दिनुपर्नेमा प्रदेशसभातर्फको मतपत्र दिएपछि विवाद भएको हो । महेन्द्र मावि (ग) केन्द्रका मतदान अधिकृतले प्रतिनिधिसभा तर्फको ३१ मतपत्र प्रदेशसभा तर्फ र प्रतिनिधिसभाको ३१ मतपत्र प्रदेशसभाको बुथमा परेपछि विवाद उत्पन्न भएको थियो ।

त्यस्तै गरी सरस्वती मावि चैनपुरमा ४१ थान मपतपत्र प्रदेशसभाको मतपत्रमा परेको प्रतिनिधिसभा तर्फको मतपेटिमा खसेपछि विवाद भएको थियो ।

मिती : ४ मंसिर २०७९, आईतवार १४:४० बजे प्रकाशित