काठमाडौं–५ को प्रदेशसभा ‘ख’का उम्मेदवार दीपक निरौलालाई प्रहरीले पक्राउ गरेको छ । मौन अवधिमा पैसा बाँड्दै गरेको अवस्थामा निरौलासहित ३ जनालाई पक्राउ गरिएको जिल्ला प्रहरी परिसर काठमाडौंले जनाएको छ ।

पक्राउ पर्नेमा बुढानिलकण्ठ नगरपालिका–६ का वडा अध्यक्ष रवि खड्का र नेकपा एमालेको बुढानिलकण्ठ नगरपालिकाका नगर अध्यक्ष प्रदिप डंगोल छन् । उनीहरूलाई अहिले प्रहरी प्रभात बुढानिलकण्ठमा राखिएको छ ।

हात्तिगौंगास्थित युरो स्कुल नजिकैबाट पक्राउ परेका उनीहरुलाई पैसा बाँड्न लागेको सुराक पाएपछि प्रहरीले पिछा गरेको थियो । पक्राउ परेका निरौला नेकपा एमाले काठमाडौं जिल्ला कमिटीका अध्यक्ष समेत हुन् ।

काठमाडौं ५ मा नेकपा एमालेका वरिष्ठ उपाध्यक्ष ईश्वर पोखरेल र नेपाली कांग्रेसका प्रदीप पौडेल प्रतिनिधिसभातर्फका उम्मेदवार छन् ।

मिती : २ मंसिर २०७९, शुक्रबार २१:५२ बजे प्रकाशित