जीवन बीमा कम्पनीको दाबी भुक्तानी ४५ प्रतिशतले बढेको छ । गएको वर्षमा जुन अनुपातमा जीवन बीमा शुल्क आर्जनमा बृद्धि भएको थियो यस वर्षदेखि दाबी भुक्तानीमा पनि बृद्धि हुन थालेको छ ।

गत आर्थिक वर्ष २०७८/७९ मा जीवन बीमा कम्पनीहरुले ५० अर्ब ५५ करोड रुपैयाँ भुक्तानी गरेका छन् । जवकी अघिल्लो आर्थिक वर्षमा ३४ अर्ब ९३ करोड रुपैयाँ भुक्तानी गरेका थिए । पुराना कम्पनीका साथ साथै नयाँ कम्पनीमा पनि सरेण्डर रेसियो बढिरहेको छ ।

गत आर्थिक वर्षमा सबैभन्दा धेरै नेपाल लाइफले १४ अर्ब १६ करोड रुपैयाँको दाबी भुक्तानी गरेको छ । यहि अवधिमा ३४ अर्ब ९८ करोड रुपैयाँ खुद बीमा शुल्क आर्जन गरेको छ ।

यसरी बीमा शुल्कको अनुपातमा दाबी भुक्तानीको हिस्सा ४० प्रतिशत रहेको छ । नेपाल लाइफको अघिल्लो वर्षको यहि अवधिमा खुद दाबी भुक्तानी ८ अर्ब ७८ करोड रुपैयाँ थियो ।

जुन ६१ प्रतिशतले बढेको हो । बीमा शुल्क आर्जन ९ प्रतिशतले बढ्दा दाबी भुक्तानी भने ६१ प्रतिशतले बढ्दै जानु आफैमा राम्रो सूचक होइन ।

मिती : ४ भाद्र २०७९, शनिबार १४:२६ बजे प्रकाशित