कालिकोटको खाँडाचक्र नगरपालिकाका मेयर कमलबहादुर शाही नेकपा एकीकृत समाजवादीमा प्रवेश गरेका छन् । काठमाडौंमा आयोजित जनप्रतिनिधिको अभिमुखीकरण कार्यक्रममाझ शाहीलाई एकीकृत समाजवादीमा प्रवेश गरेका हुन् । उनलाई अध्यक्ष माधवकुमार नेपालले स्वागत गरे ।

वैशाख ३० को स्थानीय चुनावमा स्वतन्त्र उठेका शाही २९१९ मत ल्याएर मेयरमा विजयी भएका थिए । उनका प्रतिद्वन्द्वी एमालेका जसीप्रसाद पाण्डेले २६०९ मत ल्याएका थिए । शाहीलाई नेकपा माओवादी केन्द्र र एकीकृत समाजवादीले समर्थन गरेका थिए । यस नगरपालिकामा माओवादीले उपमेयर जितेको छ ।

मिती : ५ श्रावण २०७९, बिहीबार १८:०२ बजे प्रकाशित