नेपाल राष्ट्र बैंकले शुक्रबार आर्थिक वर्ष २०७९/८० को लागि मौद्रिक नीति ल्याउने तयारी गरेको छ । चालू आर्थिक वर्षको लागि मौद्रिक नीतिको मस्यौदा तयार भएकोले राष्ट्र बैंकले शुक्रबार सार्वजनिक गर्ने तयारी गरेको हो ।

मौद्रिक नीतिको मस्यौदा तयार भइसकेकोले शुक्रबार सार्वजनिक गरिन लागिएको राष्ट्र बैंक स्रोतले जनाएको छ । ‘साउनको पहिलो साताभित्र मौद्रिक नीति सार्वजनिक गर्ने छौं । मौद्रिक नीतिको मस्यौदा तयार भइसकेको छ ।

मुलुकको अर्थतन्त्र नकारात्मक दिशामा रहेका बेला नेपाल राष्ट्र बैंकले कसिलो मौद्रिक नीति ल्याउनु पर्ने विज्ञहरुले सुझाव दिइरहेका छन् । राष्ट्र बैंकले पनि सोहि अनुसार मौद्रिक नीति ल्याउने तयारीमा रहेको छ । अर्थतन्त्रका प्रायः सबै सूचकमा दबाब रहेका कारण यसको प्रभावलाई सम्बोधन गर्न विश्वका अर्थशास्त्रीहरुले ल्याएका सिद्धान्तहरू प्रयोग गरेर मौद्रिक नीति ल्याउने राष्ट्र बैंकको तयारी रहेको छ ।

मिती : ४ श्रावण २०७९, बुधबार १४:१६ बजे प्रकाशित