विराटनगर । लगातार दुई पटक स्थगित भएको कोशी प्रदेश सभाको बैठक फेरि सारिएको छ।
मंगलबार दिउँसो १ बजे बस्ने तय गरिएको नवौँ अधिवेशनको १६औँ बैठक अब असार १८ गते दिउँसो १ बजे बस्ने भएको हो।
प्रदेशसभा सचिवालयका सचिव सुदर्शन खड्काका अनुसार प्रदेश सरकारको अनुरोधमा बैठकको मिति परिवर्तन गरिएको हो।
यसअघि असार ११ र १६ गतेका लागि बोलाइएका बैठकहरू पनि तोकिएको समयमा बस्न सकेका थिएनन्।
प्रदेशसभा नियमावली, २०७४ को नियम ६ को उपनियम (३) अनुसार सभामुख अम्बरबहादुर विष्टले अर्को बैठक असार १८ गते दिउँसो १ बजे बस्ने गरी समय निर्धारण गरेका छन्।
Artha Sanjal
