काठमाडौं । डिप्रोक्स लघुवित्त वित्तीय संस्था लिमिटेडले देशभरका आफ्ना १५८ वटा शाखा कार्यालयहरुको कार्य क्षेत्रभित्र रहेका सामुदायिक विद्यालयमा अध्ययनरत गरिब तथा विपन्न परिवारका जेहेन्दार र मिहिनेती १–१ जना विद्यार्थीहरुलाई डिप्रोक्स छात्रवृत्ति प्रदान गरेको छ ।
उक्त छात्रवृत्ति कार्यक्रममा विशेष गरी दलित तथा जनजाति समुदायका छात्राहरुलाई प्राथमिकतामा राखी शिक्षा क्षेत्रमा समान पहुँच, महिला सशक्त्तीकरण र समावेशीकरणलाई प्रवद्र्धन गर्ने उद्देश्य लिइएको छ ।
विद्याथीहरुको आवश्यकता र सहजतालाई ध्यानमा राख्दै चेक वितरण प्रणाली मार्फत छात्रवृत्ति उपलव्ध गराइएको छ ।
यस कार्यक्रमबाट लाभान्वित विद्यार्थीहरुमा अध्ययनप्रति थप उत्साह र आत्मविश्वास बढेको छ भने अभिभावकहरु समेत यस पहलप्रति खुशी र सन्तुष्ट देखिएका छन् ।
शिक्षा क्षेत्रमा गरिएको यस्ता योगदानले समुदायस्तरमा सकारात्मक प्रभाव पार्नुका साथै डिप्रोक्स लघुवित्त प्रति विश्वास र सद्धभाव थप बलियो बनेको छ । डिप्रोक्सले भविष्यमा पनि शिक्षा, सामाजिक सशक्त्तीकरण र दिगो विकासका क्षेत्रमा यस्ता कार्यक्रमहरु निरन्तर अघि बढाउने प्रतिबद्धता व्यक्त गरेको छ ।
शाखा कार्यालय फारुला, सल्यानस्थित श्री जनज्योती माधामिक बिद्यालयमा अध्ययनरत गरिब तथा जेहन्दार कक्षा १० की छात्र हिरा बुढाथोकीलाई छात्रवृत्ति प्रदान गरेकाे छ ।
