सिटी एक्सप्रेस मनी ट्रान्सफर प्रालिले जापानिज ल्याङ्ग्वेज स्कुल एसोसिएसन अफ नेपालसँगको सहकार्यमा ‘स्टुडेन्ट्स मिट–२०२२’ कार्यक्रम सम्पन्न गरेको छ।
कार्यक्रममा जापानिज ल्याङ्ग्वेज स्कुल एसोसिएसन अफ नेपालसँग आबद्ध ४० भन्दा बढी एजुकेसन कन्सल्टेन्सीमार्फत जापान जान लागेका २०० भन्दा बढी विद्यार्थीको सहभागिता थियो।
सिटी एक्सप्रेसले जापानिज ल्याङ्ग्वेज स्कुल एसोसिएसन अफ नेपालसँगको सहकार्यमा जापानमा अध्ययनरत विद्यार्थीका लागि हरेक वर्र्ष पुरस्कार प्रदान गर्ने योजनासमेत बनाएको छ।
सिटी एक्सप्रेसले रेमिटान्स क्षेत्रमा आफ्नो छुट्टै पहिचान बनाउँदै विगत १५ वर्षदेखि संसारभरबाट विप्रेषण सेवा प्रदान गर्दै आइरहेको छ। आन्तरिक विप्रेषणअन्तर्गत सिटी एक्सप्रेसका देशभर छरिएर रहेका १५ हजारभन्दा बढी भुक्तानी केन्द्रहरुमार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाइल वालेटमा लोड गर्न सकिनेजस्ता सुविधाहरु प्रदान गर्दै आइरहेको छ।
