काठमाडाैं । चीनमा गएको शक्तिशाली भूकम्पबाट मृत्युको हुनेको संख्या ९५ पुगेको छ । चिनियाँ सञ्चारमाध्यमहरुका अनुसार हालसम्म प्राप्त विवरणहरुका अनुसार केन्द्रविन्दू आसपासका चिनियाँ क्षेत्रका घरहरु भत्किएर पुरिँदा मृत्यु हुनेको संख्या ९५ पुगेको छ । भूकम्पका कारण दिङ्गी काउन्टीको चाङ्गसुओ तथा आसपासका गाउँका दर्जनौं घरहरु भत्किएका छन् ।

चीनको सरकारी न्यूज च्यानल सीजीटीएनका अनुसार मृतकको संख्या अझै बढ्नसक्ने सम्भावना छ । नेपाली समय अनुसार मंगलबार बिहान ६ः५० मा चीनको जिजाङ्ग प्रान्तको सिगात्सेस्थित दिङ्गी क्षेत्रलाई केन्द्रविन्दू बनाएर ७.१ म्याग्निच्यूडको भूकम्प गएको थियो । चिनियाँ आधिकारिक निकायले भने ६.८ म्याग्निच्यूडको भूकम्प गएको उल्लेख गरिरहेका छन् ।

मिती : २३ पुष २०८१, मंगलवार १४:४३ बजे प्रकाशित