काठमाडौं। शंखरापुरमा आज (बुधबार) दिउँसो बा १९ च २६९५ नम्बरको झाँक्री प्रकाश भुजेलको कारको ठक्करबाट गम्भीर घाइते भएका मोटरसाइकल चालकको उपचार क्रममा मृत्यु भएको छ।

बा.प्र-०२-०१८ प ६८७५ नम्बरको मोटरसाइकल चालक नारायण नगरकोटीको साँझ मृत्यु भएको जिल्ला प्रहरी परिसर काठमाडौंका एसपी नवराज अधिकारीले जानकारी दिए।

कागेश्वरी मनोहरा-२ आलापोट बस्ने ३८ वर्षीय नगरकोटीको ग्रान्डी अस्पतालमा उपचारको क्रममा मृत्यु भएको हो।

मोटरसाइकललाई ठक्कर दिएपछि भुजेल घटनास्थलबाट फरार भएका थिए। पछि उनले प्रहरीसमक्ष आत्मसमर्पण गरेका हुन्।

मोटरसाइकल पछाडि सवार नारायणकी श्रीमती ३२ वर्षीया किसानुमाया नगरकोटी पनि गम्भीर घाइते भएकी छन्। उनको पनि ग्रान्डी अस्पतालमा उपचार भइरहेको छ।

मिती : २८ कार्तिक २०८१, बुधबार २२:२२ बजे प्रकाशित