काठमाडौँ । एनआईसी एशिया बैंकले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ।  जसअनुसार बैंकले ११ करोड ५ लाख २६ हजार रुपैयाँ खुद नाफा आर्जन गरेको छ । गत आर्थिक वर्षको सोहि अवधिमा बैंकले १ अर्ब १ करोड ३ लाख ८३ हजार रुपैयाँ नाफा कमाएको थियो ।

यसअवधिमा बैंकको खुद ब्याज आम्दानी ३६ प्रतिशतले घटेर १ अर्ब ९० करोड ६२ लाख रुपैयाँ र संचालन नाफा ८८ प्रतिशतले घटेर १७ करोड ३८ लाख रुपैयाँ पुगेको छ ।

त्यस्तै,  बैंकको इम्पेयरमेन्ट चार्ज ६४ करोड ४३ लाखबाट बढेर १ अर्ब १६ करोड पुगेको छ । बैंकको प्रतिशेयर आम्दानी २५ रुपैयाँ ६७ पैसाले घटेर २ रुपैयाँ ९१ पैसा र प्रतिशेयर नेटवर्थ २०३ रुपैयाँ ७९ पैसा रहेको छ ।

समिक्षा अवधिमा बैंकको चुक्ता पुँजी १४ अर्ब ९१ करोड ७५ लाख रुपैयाँ, जगेडा कोषमा १७ अर्ब ६९ करोड रुपैयाँ र खराब कर्जा २.०८ प्रतिशत रहेको छ ।

मिती : ७ कार्तिक २०८१, बुधबार ०९:४३ बजे प्रकाशित