काठमाडौं । चिलिमे हाइड्रोपावरको नाफा अघिल्लो आर्थिक वर्षको तुलनामा सामान्य घटेको छ भने खुद नाफा थोरै बढेको छ ।

कम्पनीले सार्वजनिक गरेको गत आर्थिक वर्षको चौथो त्रैमासिक वित्तीय विवरणअनुसार कम्पनीको खुद नाफा ६५ करोड २९ लाख रुपैयाँ छ ।

अघिल्लो आर्थिक वर्षमा विद्युत् बिक्री आम्दानी १ अर्ब १२ करोड रहेकोमा गत आर्थिक वर्ष पनि त्यति नै छ ।

कम्पनीको सञ्चालन खर्च केही बढेको छ । कम्पनीको प्रतिसेयर आम्दानी ८ रुपैयाँ १० पैसा छ । प्रतिसेयर नेटवर्थ १३५ रुपैयाँ छ । दोस्रो बजारमा कम्पनीको सेयर मूल्य प्रतिकित्ता ६२५ रुपैयाँ छ ।

यो कम्पनी १११ मेगावाट क्षमताको रसुवागढी हाइड्रोपावरको मुख्य प्रवद्र्धक पनि हो । सो आयोजना निर्माण कार्य सम्पन्न भइसकेको तर प्राधिकरणले ट्रान्समिसन लाइन सम्पन्न नगरेकाले परीक्षण उत्पादनको पर्खाइमा रहेको कम्पनीले जनाएको छ ।

मिती : २१ श्रावण २०८१, सोमबार १३:२४ बजे प्रकाशित