काठमाडौँ । सूर्योदय वोमी लघुवित्त वित्तीय संस्थाको एफपीओ बुधवार बाँडफाँट हुने भएको छ । बिक्री प्रबन्धक कुमारी क्यापिटलका अनुसार गत आइतबार प्रि अलोटमेन्ट सम्पन्न भएकाले बुधबार अन्तिम बाँडफाँट गर्ने तयारी छ ।

कम्पनीले प्रतिशेयर १०० रूपैयाँ अंकित मूल्यमा ४६ हजार ७२९ कित्ता एफपीओ साउन ४ गतेदेखि बिक्रीमा ल्याएको थियो । एफपीओमा १६ लाख ५९ हजारभन्दा बढीले आवेदन दिएका छन् । ती आवेदकहरूबाट २ करोड ३८ लाख ६३ हजारभन्दा बढी कित्ता एफपीओ खरिद माग भएको जानकारी समेत सिडिएससीले दिएको छ ।

जसअनुसार  ४ हजार ६७२ जना आवेदकले १० कित्ताका दरले शेयर हात पार्नेछन् ।  बाँकी रहेको ९ कित्ता शेयर भने ९ जना आवेदकले थप एक कित्ताका दरले प्राप्त गर्नेछन् ।

मिती : १५ श्रावण २०८१, मंगलवार १०:५५ बजे प्रकाशित