काठमाडौं । श्री लालीगुराँस बहुउद्देश्यीय सहकारी संस्था ललितपुर पुल्चोकका प्रमुख सञ्चालक सुरेन्द्र भण्डारी पक्राउ परेका छन् । उनलाई शुक्रबार राति उपत्यका अपराध महाशाखाकाे टोलीले बालुवाटारबाट पक्राउ गरेको हो ।

लालिगुराँस सहकारी ठगीसम्बन्धी छानविन गर्न गठित संसदीय विशेष समितिको सूचीमा समेत परेको छ ।  सहकारीको बचत अपचलन प्रकरणपछि भण्डारी  फरार रहेका थिए ।

यस सहकारी सञ्चालकहरूले बचतकर्ताकाे ६ अर्बभन्दा बढी रूपैयाँ  अपचलन गरेकाे उजुरी परेको छ । भण्डारी नेपाली कांग्रेसका केन्द्रीय सहकारी विभाग प्रमुख हुन् ।

मिती : १६ असार २०८१, शनिबार १२:३१ बजे प्रकाशित