काठमाडौं । कुमारी बैंक लिमिटेडको लिलामी शेयरमा आवेदन दिने म्याद थप भएको छ । बैंकले जेठ २९ गते देखि लिलामीमा ल्याएको पाँच लाख ८१ हजार २५१ कित्ता संस्थापक शेयरमा आवेदन दिने म्याद थप गरिएको हो ।

म्याद थप गरेपछि उक्त  शेयरमा असार ११ गते कार्यालय समयसम्म आवेदन दिन सकिने बैंकले जनाएको छ । यसअघि बैंकले असार ४ गतेलाई आवेदन दिने अन्तिम मिति तोकेको थियो । यो शेयर जोकोही इच्छुक व्यक्ति तथा संस्थाहरूले खरिद गर्न पाउनेछन् ।

यस शेयरको न्यूनतम मूल्य प्रतिकित्ता १०० रुपैयाँ तोकिएको छ भने  खरिद आवेदन दिँदा घटीमा एक लाख र बढीमा सबै कित्ताका लागि आवेदन दिन सकिनेछ ।

यसका लागि काठमाडौंको नक्सालस्थित कुमारी क्यापिटल लिमिटेड (बिक्री प्रबन्धक) मा गोप्य शिलबन्दी बोलपत्र पेश गर्नुपर्नेछ ।

मिती : ५ असार २०८१, मंगलवार ०८:४१ बजे प्रकाशित